Një automjet i braktisur është gjetur nga Policia e Vlorës që dyshohet se është përdorur nga grabitësit e bankës, në lagjen “28 Nëntori”.
Dje në mes të ditës disa persona grabitën në mënyrë spektakolare një bankë të nivelit të dytë në Vlorë duke mos u kapur nga policia.
Sot raportohet se automjeti është me ngjyrë të bardhë dhe policia po kryen hetimet për të verifikuar nëse ka gjurmë të grabitësve.
Gjatë ditës së djeshme, dy persona të armatosur grabitën filialin e një banke të nivelit të dytë, nën kërcënimin armëve duke terrorizuar punonjësit. Ata kanë marrë xhiron ditore në pak minuta, shumë që mendohet se është rreth 35 mijë euro.
