Dënimi dhe më pas dëbimi i Valdrin Pjetrit nga autoritetet Italiane në vitin 2003, ka shkaktuar jehonë në politikën e vendit. Pas publikimit të dokumenteve nga Partia Demokratike , ku vërtetohej se Pjetri ishte dënuar dhe më pas dëbuar pas akuzave për trafik droge, një shkrim të gjerë publikoi edhe Zëri i Amerikës. Sipas VOA, dokumentet e publikuara nga PD janë autentike dhe në këtë mënyrë Valdrin Pjetri duhet të përgjigjet para drejtësisë. I menjëhershëm ka qenë edhe reagimi nga ana e përfaqësuesve të Partisë Demokratike. Nga ana e tij, ish deputeti Bardh Spahia i ka kujtuar kryeministrit Edi Rama se nuk ka rrugë tjetër përveç përballjes me drejtësinë.
Postimi i plotë
Zeri i Amerikes sapo konfirmoi autenticitetin e dokumentave ku vertetohet ndalimi i Valdrin Pjetrit ne itali me akuzen per trafik droge. Edvin se cfare ben ti me vellane tend apo me cdo kriminel e horr ne jeten tende, pervecse shqetesim per shqipetaret eshte edhe objekt i drejtesise. Asnje hije dyshimi nuk hedh me kush mbi ty se cdo shqipetar i ndershem e di sa i zhytur dhe i kapur ne krim je. Shqiptaret s’kane pse durojne me ty e llumin qe te rrethon, boll me! Vendi yt dhe i krimineleve qe mbron, shperblen e promovon eshte pas hekurave!
