Deputeti socialist i qarkut të Vlorës, Koço Kokëdhima gjatë emisionit Opinion bëri gafën e madhe duke pranuar ekzistencën e një liste disa emërore si referencë për punësim në institucionet shtetërore.
Nga lista e publikuar nga Blendi Fevziu, superdeputeti veçoi emrin e Alket Qëndros duke pranuar se e ka rekomanduar për pozicionin e Drejtorit të Tatimeve në Sarandë.
Kokëdhima pranoi edhe se kishte dështuar tek rekomandimet, pasi një nga emrat që i përmendi Fevziu ishte papunë që pas zgjedhjeve të 2013.
Gjatë intervistës, Kokëdhima i vendosi vetes një nofkë të re duke u cilësuar si “deputet i popullit”. Kjo deklaratë u lëshua teksa socialisti po pyetej nëse duhet të linte mandatin pasi akuzohej nga opozita se kishte përfituar fonde publike në kohën kur qe njëkohësisht deputet.
Kokëdhima u shpreh i bindur se Gjykata Kushtetuese do të rrëzojë pretendimet e opozitës. “Do ta përfundojë këtë mandat” – deklaroi ai.
