Vetëdorëzohet në polici nëndrejtori i Kadastrës së Durrësit, Arben Isaku, i cili njëkohësisht është edhe kreu i grupit të këshilltarëve të PS-së në bashkinë e qytetit bregdetar, por edhe Sekretari i degës së kësaj partie.
Isaku ishte shpallur në kërkim 3 dit♪7 më parë me urdhër të prokurorisë, pas një hetimi disa mujor, ku u përdorën edhe metodat speciale të hetimit.
Isaku akuzohet se i ka dhënë prona në bregdet një qytetari nga Berati, duke përdorur dokuemnte false. Ai u shpall në kërkim me akuzën e shpërdorimit të detyrës.
“Pas një hetimi disamujor, në kuadër të goditjes së veprave penale kundër evazionit fiskal në zonat turistike, është ndaluar një shtetas dhe janë shpallur në kërkim dy të tjerë, të cilët kanë pajisur me leje legalizimi, duke u falsifikuar dokumentet, dy shtetas për një sipërfaqe 123 metra katrorë dhe truall 500 metra katrorë në zonën e plazhit. Është ndaluar shtetasi R.K., 27 vjeç, banues në Durrës, me detyrë ekonomist pranë Agjencisë Shtetërore të Kadastrës-Durrës.
Janë shpallur në kërkim dhe po punohet për kapjen e shtetasve A.I., 42 vjeç, banues në Durrës, me detyrë zv/drejtor pranë Agjencisë Shtetërore të Kadastrës, Durrës; F.R., 28 vjeç, banues në Durrës, me detyrë specialist pranë Agjencisë Shtetërore të Kadastrës, Durrës. Tre shtetasit e mësipërm janë proceduar për veprat penale ‘Korrupsioni pasiv nga persona që ushtrojnë funksione publike’, ‘Shpërdorimi i detyrës’ dhe ‘Falsifikimi i dokumenteve’”, njoftoi policia tre ditë më parë.
