Policia italiane ka arritur të arrestojë një prej “kapove” më të rrezikshëm në vend, i arratisur prej 15 vitesh.
Antonio Orlando, një anëtar i dyshuar i klanit mafioz “Kamorra” u prangos pas 15 viteve në arrati. Gjatë kësaj kohe, ai kishte dhënë akoma urdhëra për mafiozë të tjerë shkruajnë mediat botërore.
Agjentët e zbuluan atë teksa jetonte në një apartament në Mugnano, periferi të Napolit. Policia tha se Orlando madje jetonte në kushte krejtësisht komode e mburrej se po lahej në sauna.
Orlando, i cili ishte duke u përgatitur të transferohej në një strehë tjetër, ishte në proces shkatërrimi të dokumenteve të rreme të identitetit dhe “ngriti duart në shenjë të dorëzimit” kur policia hyri brenda, u tha gazetarëve komandanti rajonal Ubaldo del Monaco.
Në kohën që u arrestua, në banesë u gjetën 6000 euro të gatshme. Antonio Orlando dyshohej si anëtar i një organizate mafioze dhe gjithashtu se ka drejtuar rrjetin e trafikut të kokainës nga Maroku në Spanjë e më pas në Itali. Ai dyshohet për vepra të anëtarësimit në një organizatë mafioze, për pastrim parash, për përfshirje në vrasje dhe grabitje.
Zëvendësministri dhe ministri i Brendshëm italian Mateo Salvini përshëndeti aksionin policor, duke thënë se mafiozët, kudo janë, do të goditen.
