Shi i rrëmbyeshëm dhe erëra të forta kanë përfshirë këtë fundjave Britaninë e Madhe, duke shkaktuar përmbytje të mëdha, ndërprerje të energjisë elektrike dhe vonesat e trenave.
Pjesa më e madhe e vendit është paralizuar, pasi paralajmërimet nga meterologët kanë qenë të vazhdueshme. Alarmi i verdhë është lëshuar në Skoci dhe pjesën veriore të Anglisë, pasi stuhi të forta mund të përfshijnë vendin.
Autoritetet vendase u kanë kërkuar drejtuesve të automjeteve të bëjnë shumë kujdes nëpër rrugë. Shumë trena të shpejtësisë së lartë kanë pezulluar udhëtimet si dhe disa linja tragetesh.
Gjithashtu janë anuluar dhe disa festivale që do të mbaheshin në ambiente të hapura, si festivali i muzikës Boardmasters në Newquay, festivali i vallëzimit Houghton në Norfolk.
Në aeroportin Luton të Londrës shiu të depërtoi edhe në brendinë e aeroportit, duke i detyruar të pranishmit të iknin për të gjetur strehë, gjë që e kishin shumë të vështirë.
Megjithëse korridoret e një terminali janë mbushur me ujë, nuk ka pasur probleme në sistemin e energjisë elektrike dhe gjendja tani është e mirë.
