Një banesë është përfshirë nga flakët mesditën e sotme pranë Fakultetit të Inxhinierisë së Ndërtimit në Tiranë.
Zjarri ka rënë në katin e tretë të një pallati, por fatmirësisht nuk raportohet për persona të lënduar, pasi familjarët nuk kanë qenë në banesë në momentin e ngjarjes.
Raportohet paraprakisht se shkak është bërë një masë elektrike ose dyshohet që familjarët të kenë lënë pajisje elektrike ndezur.
Zjarrfikësja ka shuar në kohë zjarrin, duke mos përbërë rrezik për apartamentet përreth.
