Eksperti i ekonomisë, Hekuran Vladi-Lura, përmes një postimi në rrjet ka thumbuar Kryeministrin Edi Rama, lidhur me aksionin më të fundit të ndërmarrë nga qeveria, për lirimin e plazheve.
Eksperti ironizon për dhënien me koncension të vijës bregdetare ndonje recepsionisti.
“Kush e di se në recepsionin e cilit hotel po përgatitet koncensioni për vijën bregdetare..?
Nuk shtyhet kështu me menaxhim lokal.
Po bëjnë shume lekë këta kryetarët e bashkive me shezllona.
Po ata që nuk kanë shezllona..? Preket barazia në vjedhje.
Nuk bën keshtu, ndaj do t’ia japim me koncension ndonjë recepsionisti.
Ka shtet këtu..!”, shkruan Hekuran Vladi-Lura, në një postim në rrjet.
Në javët e fundit, Policia e Shtetit është shfaqur në zonat bregdetare në kuadër të aksionit “plazhi i lirë” duke çliruar hapësirat e zëna nga privatët në mënyrë të paligjshme. Mes euforisë së aksionit, Rama ia ka hedhur përgjegjësinë pushtetit vendor, ndërsa ka paralajmëruar miratimin e një ligji që do vendosë rregullin përgjatë bregdetit.