Mbrojtësi korçar Jorgo Pëllumbi pritet të transferohet te belgët e Gent.
Pëllumbi, ende pa i mbushur 19-vjeç, u kthye në një nga pikat e forta të Skënderbeut nën drejtimin e Orges Shehit sezonin e kaluar. Kjo duket se ndikoi që pas mbrojtësit bardhekuq dhe të Kombëtares Shpresa të viheshin në ndjekje një sërë ekipesh. Ofertat kanë qenë të shumta në drejtim të korçarit, por duket se ajo e ekipit belg Gent përmbush më së shumti pretendimet e korçarëve.
Siç raporton Panorama, akordi është pranë zyrtarizimit dhe shumë shpejt pritet që Jorgo Pëllumbi të kalojë në radhët e ekipit belg. Raportohet se palët kanë rënë dakord për transferimin e 19-vjeçarit në kampionatin belg. Ndërsa Skënderbeu do të marrë përfitimin financiar. Marrëveshja është në detajet e fundit, teksa ajo që ka më shumë rëndësi është fakti se nga ky transferim Skënderbeu përfiton rreth 500 mijë euro dhe mbetet për të vendosur nëse Gent do të pranojë t’i lërë klubit bardhekuq 20% të kartonit apo do të limitohet në vetëm 10%.
