Gjykata e Krimeve të Rënda ka vendosur masën e sigurisë “arrest me burg” për shtetasin Edmond Gecaj, i cili u arrestua disa ditë më parë në akuzën e gjobëvënies.
Po kështu Gjykata ka vendosur arrest me burg, por me afat 2 mujor, për shtetasin Ilson Beqiraj, edhe ky i arrestuar dy ditë më parë në akuzën për gjobëvënie.
Gjatë seancës për dhënien e masës së sigurisë, prokuroria ka kërkuar arrest me burg për dy të arrestuarit, ndërsa pala mbrojtëse kërkoi masë më të lehtë.
Dy të arrestuarit u ndaluan pasi i kanë marrë një shumë të konsiderueshme, rreth 7500 euro një qytetari, me arsyetimin e gjobitjes. Referuar raportimeve qytetarit në fjalë i kishin vënë një gjobë prej 12 mijë euro.
