Tronditi gjithë botën ajo se çfarë ndodhi në një burg të Brazilit ditën e djeshme. Një përplasje e bandave rivale shkaktoi 57 të vdekur. Zyrtarët në një konferencë për shtyp thanë që 16 prej të vdekurve u ishte prerë koka. Por ajo që po qarkullon në të gjitha mediat është një video ku disa prej të burgosurve luajnë futboll me një kokë njeriu, mbi tarracën e burgut. 
Në video dallohen 6 të burgosur që përdorin kokën e njeriut për të luajtur. Pamjet janë shokuese dhe janë publikuar nga “Dailymail”.
Burgu në Altamira ku shpërtheu dhuna ka një kapacitet prej 200 vetash, por u pushtua nga rreth 300 të burgosur. Mediat vendase raportojnë se udhëheqësit e bandës së përfshirë në sulm tashmë do të zhvendosen në burgjet federale për izolim.
