Presidenti Ilir Meta artikuloi gjatë një konference për mediat se pa zgjedhje “gjithëpërfshirëse të standardeve më të besueshme demokratike” në 13 tetor, nuk çelen negociatat me BE-në.
13 tetori është një datë qe e kemi marrë me mik për të mos ndikuar negativisht te negociatat, shtoi.
“Nuk realizohet integrimi as me lobinjgje as me qoka, ka një standard të Kopenhagenit, s’ka ndryshuar. Ditën që do ndryshojë s’do ketë më Europë të Bashkuar”, tha Meta, i cili u shpreh se për shkak të përvojës së tij politike, di më shumë se çdo ambasador apo anëtar i KE-së lidhur me integrimin e Shqipërisë.
https://www.facebook.com/ilirmetazyrtar/videos/1060902034115502/?notif_id=1564489096810460¬if_t=live_video_explicit
Keni thënë që kryeministri Edi Rama ka kapur të gjitha institucionet por ka mbështetjen e BE dhe SHBA?
Meta: S’dua t’ju saktësoj pyetjen lidhur me përgjigjet e mia më parë, s’kam thënë diçka të tillë, kam thënë mjaft qartë që me këtë situatë krize të thellë të gjithanshme, kushtetuese, institucionale, përfaqësimi demokratik që ka vendi dhe qa më tepër për paaftësinë dhe mungesën e vullnetin për të zhvilluat zgjedhje gjithëpërfshirëse që e kanë datën në 13 tetor, kam thënë që s’ka hapje të negociatave.
Ambasadorët dhe anëtarët e KE-së bëjnë një punë të mirë por kanë një mandat të kufizuar. Në vijimësi të qëndrimeve të mia, ndiqni koherencën e qëndrimeve të mia në 30 vjet. E konsideroj veten një lider lokal, jo global, por të jeni e sigurt për çështjet e integrimit, mos u lodhni të pyesni asnjë përfaqësues të BE që t’iu thotë të vërtetën. Atë të vërtetë që kam 30 vjet që merrem me këtë punë.
S’jam këtu ti bëj qokë askujt, por ti shërbej një interesi të gjithë shqiptarëve se ky është një qëllim kombëtar, një aspiratë e paevitueshme e të gjithë qytetarëve shqiptarë.
Pa zgjedhje vendore, minimumi gjithëpërfshirëse të standardeve më të besueshme demokratike në 13 tetori, mos prisni asnjë mrekulli që do bjerë nga qielli dhe të gdhiheni në 13 tetor me çelje negociatash. Prandaj kam apeluar për dialog. /BN/
