Kryeministri Edi Rama u pyet lidhur me nismën e deputetëve të PS-së për shkarkimin e Arben Malajt nga këshilli mbikëqyrës i Bankës së Shqipërisë, si dhe deklaratat e ish-deputetit socialist.
Rama iu shmang një përgjigje të drejtpërdrejtë lidhur me arsyet e shkarkimit ndërsa shtoi se nuk ka asnjë personale me Arben Malajn.
“Pyesni deputetët që kanë kërkuar largimin, ju se besoni, jeni të lirë të mos e besoni po unë s’lexoj, dhe është pjesë e paqes dhe kjo dhe më ndihmon për paqen, nuk lexoj përveçse në raste të rralla, gjëra që mi rekomandon Fuga. Çfarë mund të ketë thënë, s’ma ka rekomanduar për lexim. Kritikat i mbaj më tepër se sa ç’duket dhe jam i vëmendshëm, por mbroj veprimet e mia kështu që s’kam asgjë personale me askënd”, tha kreu i qeverisë.
Nga ligjvënësit socialist, është pretenduar se Malaj ka shkelur etikën me daljet publike, ndërkohë që ish-ministri ka deklaruar se lëvizja është tërësisht politike. Arben Malaj ka qenë dhe vijon të jetë një nga zërat kritikë të qeverisë Rama dhe kry bashkiakut të Tiranës, Erion Veliaj. /bn/
