Pas 6 ditësh agonie në spitalin Salesi të Anconës ka ndërruar jetë vogëlushja shqiptare Leandra Kotori 4 vjeçe, vajza e një familje emigrantësh shqiptarë që jetojnë e punojnë në Itali.
Një javë më parë (të dielën datë 21 korrik 2018) vogëlushja 4 vjecare ishte rrëzuar në pishinë në qëndrën verore argëtuese Acqua Park në Porto Sant’Epidio ku po kalonte një ditë pushimi së bashku me babain e vëllain e saj 6 vjeçarë.
Vajza u dërgua me urgjencë me helikopter në spitalin e qytetit, por pas 6 ditësh në agoni vogëlushja 4 vjeçare shqiptare ndërroi jetë.
Autoritetet italiane kanë hapur një proces hetimor për këtë vdekje absurde duke analizuar nëse në këtë qëndër verore ndodheshin më shumë pushues se sa është e lejueshme.
Nga të dhënat e para mësohet se Leandra i kishte humbur vëmendjes së babait ndërsa po përgatiteshin të largoheshin nga kompleksi. Ishe hedhur në pishinë për t’u larë e vetëm pas disa minutash një pushuese kishte gjetur trupin e vogëlushes nën ujë.
Ndërhyrja e shpejtë mjekësore e masazhi kardiak çoi në rifunksionimin e zemrës së 4 vjeçares, e cila pas 6 ditë agonie nuk mundi të mbijetojë.
Kjo tragjedi ka prekur komunitetin e emigrantëve shqiptarë në provincën e Fermos ku familja shqiptare jeton prej disa vitesh. Babai, Arturi është punëtor ndërtimi, ndërsa mamaja, Greta shtëpiake. /Oranews/