Mediat ndërkombëtare e kanë krahasuar grabitjen e një sasie të konsiderueshme ari, ngjarje e ndodhur në një aeroport në Brazil me atë të kryer në pistën e aeroportit ndërkombëtar “Nënë Tereza”, ku u grabitën rreth 6 mln euro.
Përputhshmëria e mënyrës së grabitjes, si dhe mjaft elementë të ngjashëm në dy grabitjet e kryera, një në Shqipëri dhe tjetra në Brazil, kanë bërë që CNN t’i konsiderojë ato të ngjashme.
Makinë si ato të policisë federale-e ngjashme ,e atë të hetimit tatimor, përdorur në Rinas, një numër i madh autorësh , një vlerë e madhe e grabitur, dhe informacionet nga brenda aeroportit lidhur me sasinë e grabitur dhe kohën kur ato ishin në pistë, janë të dhënat nga grabitja e para dy ditëve në aeroportin e Guarulhos në San Paolo Brazil.
Një skemë e ngjashme me atë të ndodhur në Rinas, pak muaj më parë.
CNN shkruan se një grup i armatosur grabitën një ngarkesë prej ari dhe metalesh të tjera të çmuara me vlerë rreth 40 milionë dollarë nga një aeroport brazilian të enjten.
“Në prill të këtij viti, grabitës të armatosur vodhën një ngarkesë të madhe të parave nga Aeroporti Ndërkombëtar i Tiranës në Shqipëri, duke konfiskuar paratë e destinuara për në Vjenë nga një avion austriak. Një nga personat e armatosur u qëllua për vdekje gjatë një ndjekjeje të policisë, ndërsa katër të tjerë u arrestuan”, shkruan CNN.
Autorët e grabitjes së 9 prillit në Rinas hynë në pistën ku ngrihen avionët në portën hyrëse të aeroportit “Nënë Tereza”, e njohur si hyrja e zjarrfikëseve.
Të maskuar ata kanë prerë hekurat e portës, e më pas me furgonin e bardhë me mbishkrimin ‘hetimi tatimor’ kanë hyrë brenda në pistë. Një prej tyre ka prerë hekurat e portës ndërsa të tjerët nuk kanë zbritur nga furgoni.
Në kohë rekord grabitësit arritën të zhvendosnin bllokun e betonit, të cilin e tërhoqën me furgon pasi e lidhin me zinxhirë. Në vetëm 20 sekonda, furgoni, që rezultoi i modifikuar në pjesën e përparme dhe i pajisur me targa të vjedhura, depërtoi brenda pistës pranë barkut të avionit të linjës Tiranë-Vjenë.
Grabitësit e armatosur iu afruan avionit dhe kryen grabitjen e 6 milionë eurove në pak minuta, ndërsa në avion ndodheshin 160 pasagjerë që prisnin të udhëtonin drejt Vjenës.
Ndërkohë në Brazil, 8 persona kishin si shënjestër një terminal të ngarkesave në aeroportin ndërkombëtar të San Paulos, ndërsa lëviznin me dy kamionë që ngjanin me ata të drejtuar nga policia federale braziliane. Në terminal, katër burra dolën nga kamionët me fytyra të mbuluara, raportoi Reuters, duke thënë se të paktën njëri prej tyre mbante një armë.
Burrat e armatosur morën peng dy punëtorë të aeroportit, tha Reuters. Njëri ishte mbikëqyrësi i logjistikës i aeroportit, sipas Agjencisë Brasil, e cila tha se pengjet u liruan të padëmtuara.
Të dyshuarit u paraqitën si oficerë policie në aeroportin ndërkombëtar të San Paulos dhe u larguan me mallin e grabitur. “Personat e armatosur u larguan nga aeroporti me rreth 750 kilogram ar dhe metale të tjera që do të shkonin në Cyrih dhe Nju Jork. Nuk pati të shtëna dhe askush nuk u plagos gjatë vjedhjes”, tha agjencia shtetërore e lajmeve.
Sipas policisë Federale të Brazilit, hajdutët mund të kenë pasur akses në informacionin e brendshëm rreth operacioneve të aeroportit. Pamjet e kamerave të sigurisë treguan të dyshuarit që mbërritën në aeroportin e Guarulhos në një kamion kamioni të zi që ngjante me mjetet e policisë federale të Brazilit. Ata vazhduan të përballeshin me punëtorët e aeroportit dhe i detyruan të ngarkonin arin në kamionçinë.
Një media braziliane raportoi se grabitësit mbajtën peng një punonjës të aeroportit dhe familjen e tij natën para grabitjes dhe ishin në gjendje të merrnin informacion të brendshëm. Pas arratisjes së tyre, automjeti u hodh në një lagje të afërt.
