Kryeministri Edi Rama ka njoftuar në rrjet mbylljen e një aktiviteti biznesi në kulmin e sezonit turistik për shkak të mos dhënies së kuponit tatimor.
“Nuk jep kupon dhe mbyllesh 1 MUAJ në kulm të sezonit! A i’a vlen kjo kosto e shkeljes së ligjit?🤭 Patjetër jo, por kush e merr përsipër të mashtrojë Konsumatorin dhe Shtetin, do të përballet me LIGJIN me #ZeroTolerancë “, shkruan Rama në rrjet.
Por, janë me dhjetra komente qytetarësh, që të revoltuar i kërkojnë Ramës që të mos merret me këto ccështje që i përkasin administratës tatimore, por të garantojë politika punësimi, të luftojë varfërinë, korrupsionin etj.
Të revoltuar qytetarët i kërkojnë Ramës në rrjet që të shohë bizneset e njerëzve të afërt të tij dhe zyrtarëve të qeverisë, ndërsa të tjerë i shkruajnë se me këto veprime po tmerrohen turistët.
Qytetarë të ndryshëm shkruajnë se biznesi i mbyllur ka pronar një shqiptar të Kosovës dhe kjo është arsyeja që tatimorët i kanë zbarkuar në mjediset e aktivitetit të tij dhe ia kanë bllokuar.
Për më shumë lexoni disa nga reagimet e qytetarëve, ndjekës të Edi Ramës në rrjet.