Ditën e diel moti parashikohet me kthjellime e zhvillim vranësirash, kryesisht prej mesditës.
Reshjet e shiut në intensitet të ulët do të përfshijnë veriun e vendit. Gradualisht prej orëve të pasdites e kryesisht në mbrëmje reshjet e shiut do të nisin në pjesën më të madhe të vendit me intensitet të ulët.
Në zonën e Shkodrës e Lezhës do të marrin formën e shtrëngatave, rrebesheve me rrufe, parashikon Shërbimi Meterologjik Ushtarak.
Era do të fitojë shpejtësi e vrullshme dhe me rrahje përgjatë Alpeve dhe gjithë bregdetit duke sjellë shtim të dallgëzimit deri 4 ballë.
Temperaturat parashikohen në:
vendet malore 18 deri në 31°C
vendet e ulëta 21 deri në 35°C
vendet bregdetare 22 deri në 34°C
