Çmimet në plazhe vit pas viti shënojnë rritje. Edhe këtë vit pushuesit vendas apo dhe ata që jetojnë jashtë kufijëve si dhe turistë nga e gjithë Europa janë përballur me rritje të çmimeve, krahasuar me shërbimin që ofrohet.
Në Durrës pushuesit janë shprehur se çmimet për shtetasit Kosovar dhe ata që vijnë nga Gjermania janë tepër të larta. Pushues nga Gjermania që kanë zgjedhur Durrësin si destinacion këtë verë, janë shprehur që çmimet janë të njëjta si në Gjermani por jetesa sociale është me e vështirë dhe pagat janë shumë më të ulëta në krahasim me jashtë.
Disa prej tyre pohuan se, pavarësisht çmimeve që janë më të leverdisshme se në plazhet e tjera, ka ende punë për të bërë, pasi një sërë shërbimesh duhen përmirësuar, e sidomos në drejtim të pastërtisë e të higjienës.
