Ministri i Punëve të Brendshme i Turqisë, Süleyman Soylu, gjendet në Tiranë në kuadër të takimeve të tij zyrtare me krerët e këtij vendi, raporton Anadolu Agency (AA).
Në Aeroportin Ndërkombëtar të Tiranës, Soylu u prit nga zv/ministri i Punëve të Brendshme i Shqipërisë, Besfot Lamallari, ambasadori turk në Tiranë, Murat Ahmet Yörük, si dhe nga përfaqësues tjerë qeveritarë dhe të institucioneve turke në vend, të cilët më pas u drejtuan në Ambasadën e Turqisë në Tiranë.
Pas një brifingu në ambasadën turke, Soylu u nis për në kryeministri ku u prit në takim nga kryeministri Edi Rama.
Në takimin e mbyllur për mediat mes dy delegacioneve të kryesuara nga kryeministri Rama dhe ministri Soylu u diskutua rreth Organizatës Terroriste FETO, luftës kundër krimit të organizuar dhe çështjeve të migracionit.
Në takimin midis delegacioneve i pranishëm ishte edhe ambasadori Yörük dhe kreu i Zyrës për luftën kundër krimit të organizuar (KOM) pranë Ministrisë turke të Punëve të Brendshme, Resul Holoğlu.
– Soylu takohet me homologun nga Shqipëria
Süleyman Soylu, në kuadër të vizitës së tij në Shqipëri, është takuar me edhe homologun e tij, Sandër Lleshaj.
Të dy ministrat janë takuar kokë me kokë në kryeqyetitin Tiranë, pas së cilës kanë zhvilluar edhe takim mes delegacionesh.
Në takimin e mbyllur për mediat mes dy delegacioneve u diskutua rreth organizatës terroriste FETO, luftës kundër krimit të organizuar, çështjeve të migracionit, si dhe bashkëpunimi në fushën e sigurisë.
