Partia Demokratike ka denoncuar mëngjesin e sotëm grabitjen e pronës së ligjshme, pa vendim gjykate të formës së prerë, të 4 pronarëve në Tiranë.
Pronat ndodhen te Prefektura e Tiranës, ku qeveria ka vendosur t’i marrë 4 dyqanet pronarëve me pretendimin se do të zgjerohen ambientet e institucionit shtetëror.
PD denoncon se shpronësimi që qeveria i ka ofruar pronarëve të ligjshëm është 4 herë më i vogël se vlera e tregut.
Ndërkohë, raportohet se pronarët janë të gatshëm të shpronësohen, por me vlerën e tregut, sipas ligjit dhe Kushtetutës.
Ish deputetja Oriola Papmuri dhe Sekretari për Burimet Njerëzore, Ervin Minarolli, thonë se qeveria po vepron si një bandë me qytetarët.
PD po heton, nëse veprimet e qeverisë për grabitjen e pronës së ligjshme të qytetarëve pa vendim gjykate të formës së prerë, kanë të bëjnë me veprimet e një klienti të Edi Ramës, i cili ka blerë disa shtëpi të vjetra aty pranë dhe do të ndërtojë.
