Kryeministri Edi Rama shprehet i vendosur për shembjen e Teatrit Kombëtar.
Në një postim në Facebook, kreu i qeverisë ka publikuar një video ku regjisori Leka Bungo, shprehet pro shembjes së godinës së Teatrit Kombëtar.
Kryeministri shton se Bungo nuk ka lidhje me Partinë Socialiste, dhe e vlerëson mendimin e tij si një njeri i madh i skenës.
“Ja çfarë mendon për çështjen e teatrit një protagonist i njohur i skenës kombëtare, regjizori Leka Bungo – i cili, sa për ta ditur, njësoj si Raimonda Bulku e shumë të tjerë, jo vetëm s’ka asnjë lidhje me Partinë Socialiste, po përkundrazi”, shkruan Rama në postimin që shoqëron videon.
Të njëjtin qëndrim shprehu më herët edhe kryebashkiaku i Tiranës, Erion Veliaj.
