Komediani i njohur, Julian Deda, ka reaguar lidhur me përplasjet e një ditë më parë mes policisë dhe artistëve te Teatri Kombëtar. Deda shkruan se në një vend ku sundon qelbësirlleku dhe arroganca, qytetarisë tonë iu vu përballë një fytyrë e ndyrë, një medemek shefi i tyre, që kishte ardhur aty të tallte sumën e tij rilindase me njerëzit e thjeshtë që ishin aty të mbronin Teatrin.
Komenti i Julian Deda
Dje u ndodha nje situate, ne te cilen nuk isha ndodhur pothuajse asnjehere ne jeten time. Perballe policeve kisha qendruar me dhjetra here por qe te trajtohesha, bashke me kolegun tim, sikur te ishim njerez me precedent penal nuk e kishim provuar.
Thjesht po kerkonim t’i çonim uje dhe buke artisteve te ngujuar brenda Teatrit. E morem persiper ne te dy, per te mos tensionuar situaten, meqe jemi fytyra te njohura edhe per policine dhe si te tille mund te kishin pak besim tek ne.
Mirepo ne nje vend ku sundon qelbesirlleku dhe arroganca, qytetarise tone iu vu perballe nje fytyre e ndyre, nje medemek shefi i tyre, qe kishte ardhur aty te tallte sumen e tij rilindase me njerezit e thjeshte qe ishin aty te mbronin Teatrin. Nuk e di sa e vertete eshte por policet e tjere, per te cilet s’kam asgje per te share, na thane se ishte nen drejtor i Tiranes.
Ai tipi pasi e provokoi situaten, shetiste ne oborrin para Teatrit si te ishte nje thes i mbushur me fekale, duke i bere karshillet protestuesve deri sa situata doli jashte kontrollit dhe filluan shtyrjet duke demtuar disa qytetare, njerin prej tyre shume rende, sa u desh ardhja e ambulances per ta derguar ne spital.
Ketyre provokatoreve, qe militojne rilindisht ne policine e shtetit, tua thote dikush se pushteti shkon e vjen, nje dite nuk do jene me poshte testikujve te shefave, prandaj mos ta marrin shume me te qeshur kete pune, keshtu qe kujdes shoku polic.
Gjithsesi qytetaria fitoi, ne arritem te çonim edhe buke, edhe ato pak bidona uje qe na kishin mbetur neper duar dhe sot do jemi prap aty, bashke me qytetaret, aty per Teatrin.
