Policia e Elbasanit vendosur sekuestro preventive mbi rreth 700 mijë euro pasuri të një të riu i që dyshohen si të përfituara nga aktiviteti kriminal. Ai është Kreshnik Musabelliu, 33 vjeç, i cili është nipi i Nik Vojoçek ose i njohur ndryshe si Besnik (Niku) Braka i dënuar për trafik droge dhe korrupsion aktiv nga Gjykata e Krimeve të Rënda dhe ajo e Durrësit (foto).
Besnik (NIKU) Braka, 54 vjeç është i dënuar nga Krimet e Rënda me vendimin e datës 12 janar 2009 me 14 vjet burg për kryerjen e veprave penale të “Trafikim armësh dhe municionesh”, “Prodhim e shitje narkotikësh”, “Prodhimit dhe mbajtje pa leje e armëve luftarake”, si dhe “Falsifikimit të dokumenteve”.
Ndërsa në vitin 2013 54-vjeçari është dënuar me 2 vjet burgim për akuzën e korrupsionit aktiv. Braka është pronar i një lokali të njohur përballë Parkut Rinia në Elbasan i frekuentuar shpesh vite te shkuara nga politikanë të njohur të Elbasanit. Ata e braktisën pasi këtij lokali iu vu tritol pak më herët se Braka të prangosej.
Pasuritë e sekuestruara janë:
“Nga strukturat e Drejtorisë Vendore të Policisë Elbasan, nën drejtimin e Prokurorisë së Rrethit Gjyqësor Elbasan, në kuadër të hetimit të procedimit penal të regjistruar pranë kësaj Prokurorie, për veprën penale “Pastrimi i produkteve të veprës penale ose veprimtarisë kriminale”, gjatë paradites së sotme u finalizua operacioni policor i koduar ” Invest”, për vendosjen e sekuestrove preventive ndaj pasurisë së 33-vjeçarit M. K.,
Në kuadër të operacionit u kryen veprimet procedurale dhe u vendos sekuestro preventive për pasuritë e paluajtshme, të cilat dyshohet se janë përfituar nga aktiviteti kriminal, si më poshtë:
-1 apartament me sipërfaqe 350 m2
-1 truall me sipërfaqe 5000 m2.
-1 ndërtesë 200 m2
-1 automjet
Nga vlerësimi paraprak i pasurive të sipërshënuara, rezulton se ato arrijnë vlerën e rreth 700 000 Eurove” , njoftoi Policia.
Në bashkëpunim me Prokurorinë Pranë Gjykatës së Shkallës së Parë Elbasan, po vijojnë hetimet dhe verifikimet, për evidentimin e pasurive të tjera të luajtshme dhe të paluajtshme në emër të këtij shtetasi, shtuan të njëjtat burime.
