Ish ministri i Drejtësisë Ylli Manjani ka reaguar në lidhje me situatën e tensionuar tek Teatri Kombëtar.
Përmes një postimi në Facebook, Manjani shkruan Ramën e njeh për arrogant, harrakat, të çmendur pas pushtetit, me kulturë të dobët ligjzbatuese, mjeshtër i fjalës dhe njeri të lexuar, por jo si barbar! Por shkatërrimi i një pjesë të historisë sonë kulturore e rrjeshton menjëherë tek kategoria e BARBARËVE!
Postimi i Plotë:
Kurrë nuk e kisha menduar që Edi Rama do shfaqej si zëdhënës i BARBARISË!
E njoh për arrogant, harrakat, të çmendur pas pushtetit, me kulturë të dobët ligjzbatuese, mjeshtër i fjalës dhe njeri të lexuar, por jo si barbar!
Të shkatërrosh një teatër kombëtar, një pjesë të historisë sonë kulturore të rrjeshton menjëherë tek kategoria e BARBARËVE!
Nuk ka më rëndësi pse e bën dhe si e bën, sepse këto janë punë të drejtësisë, por thjesht kundërvënia ndaj trashëgimisë mjafton!
Pra edhe pordha kulturore e artistit ekstravagand lindë e rritë në mes të Tiranës nuk shkon më! Nuk mjaftuan aspak këto element për ta mbajtur në radhët e qytetarisë këtë njeri.
Shumë turp!
Ende shpresoj se një ditë do ketë drejtësi.
Ndërkohë, me dëm shumë të madh, pushteti i tij ka marrë fund!
