Qytetarët dhe Aleanca për Mbrojtjen e Teatrit kanë mundur të çajnë rrethimin policor dhe të hyjnë në mjediset e brendshme të godinës.
“Brenda Teatrit Kombëtar ku banda e Edi Ramës kishte nisur çmontimin. Aleanca për Teatrin dhe qytetarët i larguan dhe u futën brenda.
Krenar për forcën e qytetarëve të bashkuar!”, shkruan kreu demokrat, Lulzim Basha, i cili bashkë me qytetarët hyjnë në sallën e Teatrit Kombëtar.
“Sot ne jemi duke e çliruar Teatrin Kombëtar. Ka qenë Partia Demokratike që ka bërë publike dokumentet e korrupsionit të Teatrit.
Sot ne i kemi dalë në krah artistëve dhe qytetarëve’, tha Basha, në një prononcim të shkurtër nga mjediset e brendshme të Teatrit Kombëtar.
