Një i ri shqiptar humbi tragjikisht jetën pasditen e së hënës në Udine të Italisë, pas një sherri me një bashkëkombës.
Viktima është 18-vjeçari Ermal Halili, raportuan këtë të martë mediat italiane.
Ngjarja ndodhi në zonën e San Domenico, në parkun e një qendër pritjeje. 18-vjeçari u godit disa herë me thikë në bark nga një 17-vjeçar, po shqiptar, i cili qëndronte në një qendër sociale për fëmijët e braktisur nga prindërit.
Halili u dërgua me urgjencë në spital, ku dhe ndërroi jetë pak pas orës 18:30 të së hënës.
Ndërkohë, pas sulmit, 17-vjeçari u largua për tu ndaluar më pas nga policia.
/Boldnews.al/
