Në prangat e policisë kufitare të Vlorës ka rënë një 31-vjeçar pasi tentoi të kalonte kufirin në drejtim të Italisë, me mjet identifikimi kartë identiteti greke, e cila dyshohet të jetë e falsifikuar. Nga policia është arrestuar Gj.M 31-vjeç.
Njoftimi i policisë:
Policia Kufitare ka bërë të mundur kapjen e më pas arrestimin e shtetasit Gj. M., 31 vjeç, banues në Ankona, Itali.
Arrestimi i tij u bë pasi ky shtetas është kapur në flagrancë nga shërbimet e Drejtorisë Vendore të Kufirit dhe Migracionit Vlorë, pasi ka tentuar të kalojë Pikën e Kalimit Kufitarë të Portit Vlorë në drejtim të shtetit Italian, me mjet identifikimi kartë identiteti greke, e cila dyshohet të jetë e falsifikuar.
Materialet i kaluan Prokurorisë në ngarkim të tij për veprën penale “Falsifikimi i letërnjoftimeve, pasaportave ose i vizave”.
