Ish-kryeministri, Sali Berisha, ka bërë publike një tjetër denoncim të ardhur nga qytetarët. Ka të bëjë me puntorët e Uzinës së Ballshit të cilët kanë 20 ditë pa rroga dhe iu bëhet presion për t’u mos u ngritur në protestë.
“Uzina e Besnikut te Kreut te meduzes, don Djall Agaçios nuk paguan rrogat punetoreve! sb” -shkruan Berisha.
Ndërsa denoncuesi shkruan: “Përshëndetje Doktor.
Dua të ngre një shqetësim.
Në uzinën e Ballshit, punëtorëve u bëhet presion për mos t’u ngritur në protestë për rrogat.
Nuk u japin rrogat punëtorëve dhe i detyrojnë, i pezullojnë nga puna, në çdo repart.
Këta punëtorë, me atë rrogë ushqehen, mbajnë familjet gjallë. Po bëjnë 20 ditë pa rroga.
Ju lutem e ngrini si shqetësim. Faleminderit.”
