Disa muaj pasi mori detyrën e ministrit të Brendshëm, Sandër Lleshaj, duket se ka vendosur të ndryshojë një prej zyrtarëve më të lartë të këtij dikasteri, Sekretarin e Përgjithshëm.
Dritan Palnikaj, i cili kishte marrë këtë këtë detyrë gjatë kohës që ministër i Brendshëm, ishte Fatmir Xhafaj, është larguar nga ky funksion për t’u zëvendësuar nga Plarent Ndrecaj.
Ndrecaj më parë ka mbajtur postin e Sekretarit të Përgjithshëm të Ministrisë së Arsimit, por pas mandatit të dytë të Edi Ramës si kryeministër, ishte larguar nga ky funksion, në një detyrë paralele, atë të Sekretarit të Përgjithshëm të Ministrisë së Mjedisit, të drejtuar nga Blendi Klosi.
Ndreca është shfaqur disa herë në studio televizive në mbrojtje të qeverisë Rama, ndërsa emri i tij u përfol si kandidat edhe për postin e kryeprokurorit.
