Kryeministri Edi Rama, njëherëz edhe kryetar i PS-së, ka mbledhur drejtuesit politik të kësaj partie në 4 qarqet në veri të vendit.
Një ditë pasi u vetëcaktua si koordinator për veriun e vendit, Rama ka thirrur në selinë e PS drejtuesit politikë të qarqeve Shkodër, Lezhë, Kukës dhe Dibër.
Ndërkohë Gramoz Ruçi, si koordinator i Jugut, do të takohet me drejtuesit politikë të qarqeve Gjirokastër, Fier, Vlorë, Berat, ndërsa Taulant Balla do të takohet me ato të Shqipërisë së mesme.
Takimet po zhvillohen në prag të mbledhjes së Asamblesë Kombëtare të PS-së, në të cilën pritet të analizohet funksionimi i strukturave të kësaj partie përgjatë votimeve të 30 qershorit.
