Deputetët e PS-së kanë ndërmarrë një nismë për shkarkimin e Arben Malajt nga Këshilli Mbikqyrës i Bankës së Shqipërisë, me argumentin se ka shkelur etikën duke kritikuar kryeministrin Edi Rama.
Malaj u votua si anëtar i Këshillit Mbikqyrës në dhjetor të 2018 me votat PS-së, ndërkohë që 6 muaj më pas kërkohet shkarkimi i tij po nga ata që e votuan.
Lidhur me këtë nismë ka reaguar ish-deputeti i PS-së, Andis Harasani, që përmes rrjeteve sociale tallet me nismën e rilindasve të Ramës.
“Rrofshi o rilindas se kam 4 orë që qesh. Të mblidheni ju e të kërkoni shkarkimin e një socialisti e intelektuali si Arben Malaj duhet guxim i madh!”, shkruan Harasani
