Televizioni shtetëror në Greqi, ERT1 i ka kushtuar ditën e djeshme rëndësi të veçantë protestës së Shqiptareve në 8 korrik kundër qeverisë Rama. Sipas ERT1 kjo ishte protesta më e madhe e organizuar deri tani.
“Lideri i opozitës i cilësuar si reformator i qendrës politike Lulzim Basha, kërkoi dorëheqjen e menjëhershme të Ramës, pasi akuzat për korrupsion, krim të organizuar, e mafie ndërkombëtare të tregtisë së drogës…tashmë janë të faktuara”, theksoi ETR1 në kronikë.
Por edhe ANT1 i bëri jehonë protestë së 8 korrikut, ku u theksua se kjo verë duket më e nxehtë se kurrë në aspektin politik.
Gjithashtu ky kanal theksoi se në protestën e 8 Korrikut ishin të pranishëm edhe pjesëtarë të minoritetit grek në Shqipëri, të cilët ashtu si Shqiptarët kërkojnë largimin e menjëhershëm të Ramës nga posti i kryeministrit.
ANT1 raportoi gjithashtu se këto protesta janë vazhdim i protestave të mëparshme, por kjo e 8 Korrikut ishte më e madhe për arsyen se Rama nënvlerësoi vullnetin e popullit edhe të Presidentit Meta, i cili anuloi zgjedhjet për efekt të sigurisë kombëtare.
