Një 23 vjeçar është arrestuar nga policia kufitare e Muriqanit pasi në automjetin e tij iu gjetën 21 pako me kanabis.
Sipas njoftimit të policisë në pranga u vu Eldi Aldisha, 23 -vjeç, banues në Tiranë.
Policia gjatë kontrollit në automjetin me targa AA 689 JD që drejtohej nga Aldisha, ka konstatuar në depozitën e gazit të kondicionerit disa pako me kanabis të mbështjella me natriban.
Në vendngjarje ka mbërritur grupi hetimor dhe Specialistët e Seksionit Kundër Narkotikëve ku gjatë kontrollit të imtësishëm rezultoi se në brendësi të bombulës së gazit ishin 21 pako, gjithsej 15 kg e 373 gr kanabis. Materialet i kaluan Prokurorisë Shkodër për veprën penale “Trafikimi i narkotikëve”, parashikuar nga neni 283/a i Kodit Penal.
