Krimi në një familje shqiptare i ka marrë jetën një gruaje në Lion të Francës. Lajmi bëhet i ditur së fundmi nga mediat franceze që raportojnë se ngjarja ndodhi natën mes 26 dhe 27 qershorit, në banesën ku jetonte çifti në “Vaulx-en-Velin”, bashkë me dy vajzat e mitura, 4 dhe 10 vjeçe.
Më datë 27, një person gjeti trupin e pajetë të 44-vjeçarit shqiptar të varur në një pemë në oborrin e banesës. Më pas lajmëroi zjarrfikësit. Pas mbërritjes së autoriteteve në vendngjarje, burri u gjet i gjallë, por ndërroi jetë më vonë. Ndërsa në banesë, në kuzhinë, u gjet gruaja 29-vjeccare e pajetë. Pranë kufomës, u gjet një çekiç.
Sipas hetuesve, burri ka vrarë gruan me çekiç e më pas i ka dhënë fund jetës duke u varur në pemën në oborrin e banesës.
Raportohet se dy vajzat e çiftit, të moshës 4 dhe 10 vjeç, ishin në shtëpi në kohën e ngjarjeve, megjithatë nuk ishin dëshmitare të dhunës.
Gjeneralitetet e viktimave nuk bëhen të ditura nga raportimet e mediave lokale.
/BN/
