Pas përfundimit të seancës në Komisionin e Pavarur të Kualifikimit, Kryetari i Gjykatës së Lartë, Xhezair Zaganjori i është përgjigjur interesit të gazetarëve për disa nga çështjet që sot shqetësojnë opinionin publik dhe ku preket drejtëpërdrejtë interesi i tyre.
Teksa sqaroi pozicionin para trupës së KPA-së lidhur me pamundësinë për të vërtetuar të ardhurat e pajustifikuara që u zbuluan nga KPK, por që u morën të mirëqëna, Zaganjori tha se po mundohet të bëjë më të mirën për të gjetur dokumentet.
Ai tha se ka paraqitur në seancë dhjetë dokumete të reja dhe se është në dorën e trupës gjyqësore sesi do t’i vlerësojë ato.
“Unë po bëjë më të mirën për t’i gjetur këto dokumente, por benda mundësive. Kjo varet nga vlerësimi që do të bëjë trupa gjyqësore.
Kam dorëzuar dhjetë dokumente të tjera shtesë. Trupa është tërhequr për të shqyrtuar këtë dokumentacion”.
Zaganjori foli edh epër një çështje tjetër shumë delicate, ajo e mungesës së Gjyqtarëve në Gjykatën që ai drejton. Ai tha se është shumë e domosdoshme që në këtomomente të emërohen të paktën 3 ose 4 gjyqtarë me qëllim që të formohet një kolegj me tre gjyqtarë që të mund të shqyrtojë çështjet e grumbulluara.
Zaganjori e pranoi se Gjykata e lartë është tashmë në ngërçë dhe se kjo situatë duhet të gjejë zgjidhje të shpejtë.
“Duhet të ecim me zgjedhjen e anëtarëve të rinj. Që të funksionojë Gjykata dhe të marrë vendime në dhomën e këshillimit duhet të emërohen tre gjyqtarë në kolegj”. Tha Zaganjori.
Sipas tij, zgjedhja e tre ose 4 anëtarëve të rinj mund të zgjidhë problemin e vendimëmarrjes.
