Kuvendi i Shqipërisë njoftoi shtyrjen e senacës plenare të planifikuar për tu mbajtur të enjten në ora 10:00. Në njoftimin zyrtarë sqarohet se kjo seancë do të shtyhet për një javë. Jepen edhe shkaqet e kësaj shtyrje.
Sipas këtij njoftimi, arsyeja se përse shtyhet seanca janë, mungesa e projektligjeve dhe akteve që duhet të kalojnë në parlament. Mazhoranca nuk ka arritur të kalojë në komisionet parlamentare, projektligjet e mjaftusheshme për të diskutuar dhe miratuar më pas në Kuvend.
Duket se puna e qeverisë ka shteruar dhe në këtë kohë nuk kanë asgjë për të miratuar. Ligjet janë në gjysmë të rrugës.
Të hënën e kësaj jave parlamenti votoi ngritjen e komisionit hetimor që do të punojë për 3 muaj me radhë për shkarkimin e Presidentit.
E kjo duket se i ka marrë shumë kohë qeverisë.
Njoftimi
Seanca plenare e planifikuar për më 11 korrik 2019, shtyhet më datë 18 korrik 2019, pasi shumica e çështjeve të planifikuara në rendin e ditës të seancës plenare të datës 11 korrik 2019 janë ende në proces shqyrtimi në komisionet parlamentare.
Komisionet parlamentare do të vijojnë punën për përfundimin e shqyrtimit të të gjitha çështjeve të parashikuara në këto data.
