Kryetarja e LSI-së, Monika Kryemadhi u shpreh pas daljes nga selia e LSI-së për t’iu bashkuar protestës së opozitës, se protestat s’do mbarojnë derisa shqiptarët të kenë zgjedhje të lira e te ndershme.
“Protestat tona janë për ta zgjidhur tranzicionin jo krizën politike aktuale. Më shumë se kurrë s’ka bërë vaki që ka pasur reagim popullor, ka qenë vetëm në vitet 90 kur u ngritën të rrezonin regjimin komunist”, u shpreh Kryemadhi.
Kryetarja e LSI-së tha se një varfëri e jashtëzakonshme ka pllakosur Shqipërinë.
E pyetur lidhur me votimin e Kuvendit, që miratoi ngritjen e komisionit hetimor për Presidentin Ilir Meta, tha
“S’është problemi te 1001 deputet por çfarë duan shqiptarët, ata skanë s’kanë hallin e karrigeve të Metës, s’kanë hallin e karrigeve, duan taksa të ulëta ,duan një Shqipëri në BE. Ne e dimë shumë mirë se nën drejtimin e Ramës s’ka për të pasur integrimin. Rama e çon në izolim”, tha ajo.
