Nga Armend Gjana
Një bretkosë futet në një enë me ujë në temperaturë normale. Duke qenë amfib, pra jeton edhe në ujë edhe në tokë, bretkosa brenda enës vijon jetën e vet të natyrshme. Poshtë enës i ndezën një zjarr. Uji filloi të ngrohej ngadalë nga 4 gradë, në temperature më të larta : 10, 20….100 gradë, deri në vlim. Rezultati : Bretkosa ngordhi ngadalë gradualisht. Kështu vijnë diktaturat, nëpërmjet propagandës graduale dhe terrorit sistematik të përditshëm, me premtimin për parajsën e ardhshme të komunizmit, këtë po bën ky regjim i Rilindjes së diktaturës nga viti 2013 deri më sot.
E nisi propagandën e reformave të mëdha të drejtësisë, të energjisë, të shkatërrimit pa ligj të banesave të qytetarëve dhe e shoqëroi hap pas hapi me 40 000 qytetar të arrestuar për mospagim të energjisë elektrike, mbi 10 000 shtëpi të hedhura në erë me eksploziv dhe matrapik, me asfiksimin e sistemit gjyqësor ( Pa gjykatë kushtetuese, pa gjykatë të lartë, me prokurori policore ) me argumentin e rremë se këto reforma terroriste bëheshin se ne na i kërkonte Europa.
Rezultati : Borxhi i jashtëm i Shqipërisë është 8 miliardë dollarë, 400 000 shqiptarët kanë marrë udhën e emigracionit të pakthyeshëm, gjithë buxheti i shtetit ( taksat e qytetarëve ) prej 4 miliardë dollarë në vit shkon permes bashkëpunimit me oligarkët në 10 duar spekulantësh, varfëria dhe taksat shtohen dhe ky vend është bërë i pajetueshëm.
Eksperimenti i dytë : Një bretkosë u hodh në një enë me ujë të valuar. Si reagim instiktiv, bretkosa kërceu nga ena, u dogj pak por shpëtoi dhe jetoi. Ky është fati i juntave ushtarake dhe grushteve të shtetit, kur ato synojnë të vendosen me dhunë të menjëhershme, qytetarët i ikin valës përmes reagimit të menjëhershëm duke protestuar masivisht.
Eksperimenti i tretë : Dy bretkosa ranë në një qyp të thellë të mbushur me kos. U përpoqën të dyja të dilnin, luanin këmbët me forcë për të dalë po nuk mundën për një farë kohe. Pas pak orësh njëra nga bretkosat, e dëshpëruar dhe e pa shpresë i tha tjetrës : Unë u lodha, skam më fuqi, po fundosem. Tjetra i tha : Po ti përpiqu sa të kesh forcë se nuk i dihet. Unë po vazhdoj përpjekjen. Pas pak kohe bretkosa e parë mbeti e ngordhur në fund të qypit. Bretkosa e dytë rezistoi dhe pas disa orësh e gjeti veten mbi një masë të ngurtë të fortë, në krye të qypit. Kosi ishte tundur nga lëvizja dhe ishte kthyer në gjalpë. Nga ky bazament i forte bretkosa kërceu dhe doli nga qypi, pra shpëtoi.
Pra njeriu, qytetari duhet të rezistojë sa të jetë gjallë me çdo mjet, sidomos kundrejt tiranive. Të paktën, qytetari duhet të jetë në nivelin e bretkosës që reziston dhe të mos pranojë diktaturën graduale të namuritjes me propaganda qeveritare të premtimit të parajsave imagjinare.
Dy cilësitë kryesore të sistemeve totalitare që mbajnë nën sundim qytetarët janë : Propaganda dhe terrori. Këtë po e bën ky rregjim para diktatorial në Tiranë : Propagandë mediatike pë reforma dhe suksese dhe nga ana e tjetër terror policor me burgje për protestuesit, terror tatimor dhe fiskal, terror taksash dhe gjobash pa fund.
Terror legjislativ me tiraninë e shumicës në parlamentin pa opozitë, terror me shpërbërjen e sistemit gjyqësor dhe të prokurorisë, dhunë me gaz lotsjellës kundër fëmijëve dhe qytetarëve. Dhe deri tani ja ka arritur duke shfrytëzuar edhe ndryshimet kushtetuese dhe kodin elektoral. Faleminderit