Kryetari i PD-së, Lulzim Basha ka shpërndarë një mesazh lidhur me protestën e radhës, qe planifikuar të zhvillohet të hënën e 8 Korrikut.
“Me 30 qershor 85% e shqiptarëve refuzuan dhunimin e Kushtetutës. 85% e shqiptarëve refuzuan farsën e votimeve moniste, 85% e shqiptarëve refuzuan politikën e bërë njësh me krimin. 85% e shqiptarëve refuzuan politikat e varfërisë dhe mjerimit. 85% e shqiptarëve refuzuan vjedhjen me ligj, me PPP, me koncesione dhe oligarkë. 85% e shqiptarëve refuzuan Edi Ramën!
Të hënën #8korrik në ora 20:00 bashkohemi të gjithë në Tiranë kundër diktaturës, bashkohemi në mbrojtje të lirisë dhe pluralizmit, bashkohemi për familjet dhe fëmijët tuaj, për #ShqipëriaSiEuropa!
Asnjë hap pas! #RamaIk”, shkruan Basha në mesazhin e tij.
Mbrëmjen e së hënës, opozita zhvillon protestën e 10 kombëtare nga shkurti. Kryetari i opozitës Lulzim Basha kërkon largimin e Edi Ramën nga postimi i kryeministrit dhe krijimin e një qeverie tranzitore për të shkuar më tej në zgjedhje të parakohshme. Së fundmi, Basha ka artikuluar edhe një tjetër “kusht të panegociueshëm”: vënia para drejtësisë e gjithë atyre që kanë vjedhur votat.
