Kryebashkiakja e Shkodrës Voltana Ademi, ka deklaruar në emisionin ‘Opinion’ se aho do të zbatojë ligjin dhe vullnetin e qytetarëve, duke deklaruar edhe njëherë se zgjedhjet e 30 qershorit nuk njihen.
Ademi tha se ajo do të largohet nga zyra vetëm kur kryebashkiaku i ri të zgjidhet nga populli, pasi në 30 qershor 95 për qind e shkodranëve i thatë ‘Jo’ zgjedhjeve moniste.
Ajo tha se në Shkodër askush nuk mund të instalojë krimin.
‘Çështja e vënien në diskutim e lënies apo mos lënies së zyrës, mendoj që nuk ka lidhje fare as me ndonjë kompromis. PO flasim për një legjitimitet. Që do të thotë unë jam një e zgjedhur vendore, dhe kam pasur dhe kam detyrimin ti përfaqësoj ata. Rezistenca nuk është asgjë më shumë e asgjë më pak se zbatueshmëria e ligjit. Ne jemi drejt rrugëtimit të fundit të një marrëzie. Gjatë gjithë këtij procesi për zgjedhjet vendore unë kam përfaqësuar ligjin dhe vetëm ligjin dhe kam bërë mirë. Këtë e dëshmoi edhe 30 qershori, me një refuzim referendar të qytetarëve të Shkodrës. Rezistenca ime në këtë rast por edhe para 30 qershorit, edhe pas 30 qershorit janë ligjore dhe në zbatim të ligjit. Është një reagim ligjor në zbatim të ligjit. Kush do ta marrë përsipër që në qytetin e Shkodrës të mund të lejojë që kriminaliteti të mbizotërojë qytetin. Unë kam detyrë dhe përgjegjësi të zbatoj ligjin’, deklaroi Ademi.
