Partizani zyrtarizoi ditën e sotme, një goditje të papritur në sulm, teksa afroi në ekip sulmuesit nga Xhamaika, Brajan Braun.
Lojtari 1.80 metra i gjatë, vjen nga ekipi amerikan Reno 1868, i cili gjendet në divizionin e dytë amerikan të futbollit. Braun luan në pozicionin e qendër sulmuesit, dhe pritet të jetë lojtari që do sigurojë golat për të kuqtë, apo pyka, të cilin të kuqtë nuk e kishin as në sezonin që u shpallën kampionë.
Vlera e kartonit të xhamajkanit, sipas “transfermarkt”, shënon plot 350 mijë euro, duke shënuar një dyfishim në nëntor të 2018-ës. 26-vjeçari, ka luajtur 11 ndeshje në kampionatin e fundit me ekipin e Reno, për një total prej 988 minutash, ndërsa ka shënuar 8 gola, e dhënë 5 asiste.
Këto të dhëna e paraqesin Braun si një lojtar premtues për “demat”, edhe pse duhet pritur tashmë përshtatja e tij me fushën shqiptare.
