Monika Kryemadhi, kryetare e LSI-së, u shpreh sot e bindur për largimin e Edi Ramës nga posti i Kryeministrit.
Kryemadhi tha se kapja e sistemit dhe e çdo institucioni nuk të jep as të garanton jetëgjatësinë në pushtet.
“Kanë ikur burra më të mirë se Edi Rama dhe jo më ky”, tha Kryemadhi, ndërsa shprehu bindjen për zhvillimin e një proteste madhëshore më 8 korrik.
“Një njeri që ngre çdo gjë mbi ilegjitimitetin, tregon se kapja e sistemit nuk do të tolerohet. Protesta e ditës së hënë do të jetë si çdo protestë tjetër, paqësore. Provokatorët e Edi Ramës dhe Sandër Lleshaj nuk mund të pranojnë presionet dhe provokimet. Me 30 Qershor nuk ka pasur zgjedhje por votime.
Do të jetë një protestë madhështore. Provokatorët e Edi Ramës dhe Sandër Lleshit nuk mund të provokojnë më opozitën dhe mbështetësit e saj”, tha Kryemadhi.
Ajo shtoi se data e zgjedhjeve lokale është 13 tetori, duke paralajmëruar se kryebashkiakët që janë në detyrë do të vijojnë të qëndrojnë në postet e tyre deri në zhvillimin e zgjedhjeve.
