Ish-deputeti socialist Andis Harasani përmes një postimi në rrjet ka ironizuar kryeministrin Edi Rama pas votimeve të 30 qershorit dhe numërimit të votave.
Në këto votime, që opozita ka deklaruar se nuk i njeh, dhe Presidenti Ilir Meta i ka cilësuar si të paligjshme, për shkak se anulloi me një dekret të veçantë mbajtjen e zgjedhjeve vendore në 30 qershor, Rama, pa rivalë mori nën kontroll 61 bashkitë e vendit.
Por ajo që ndodhi në shumë prej njësive vendore ishte mospërputhshmëria mes numrit të votave të gjetura në kuti dhe numrit të votuesve të deklaruar si pjesëmarrës.
“Daj se s’kam dash t’mkapi barku e s’kam pa lajme: po ndonjë bashki në Mal të Zi a në Maqedoni a fitove të dielën?”, shkruan Harasani në një postim në rrjet.
Prej kohësh ish-deputeti socialist thumbon herë pas here kryeministrin Edi Rama, i cili sot ka kapur të gjitha pushtetet dhe akuzohet edhe për kapjen e drejtësisë së re.
