Presidenti Ilir Meta ka shpërthyer sot në paralajmërime dhe akuza edhe ndaj ambasadave të akredituara në Tiranë.
Meta u ka drejtuar një apel që të mos tallen me Kushtetutën shqiptare.
“U tallën në 2008 njëherë që i mbanin ison doktorit dhe Edit. Njëri nga ata ambasadorët është ende këtu dhe diskuton për Idajetin dhe hallet e atyre të Unazës. Duhet të jemi komb seriozë. Unë e zgjidha atëherë krizën.
I thashë dhe kriza u zgjidh. Kam bërë të gjitha përpjekjet që vendi të mos bëhej qesharak. Kush janë këta ambasadorë që dalin një ditë para zgjedhjeve, e thonë që prisni të bëhet Gjykata Kushtetuese.
Kush bëri lojë përsëri me KED kur isha kryetar Kuvendi dhe president?
Ambasadat po nxisin sherr në Shqipëri. Unë këtu i kam letrat dhe komunikimin me ndërkombëtarët, dhe me evropianët dhe ta shohim pse u kthye reforma në Ramaformë. Demokracia e panegociueshme, e dyta integrimi i Shqipërisë në BE”, tha Meta.
Presidenti tha se nuk ka ndërmend që të pranojë humbjen e Shqipërisë për shkak të lojrave të Edi Ramës dhe ambasadave.
“Këtë gjë nuk e lejoj, nuk e pranoj. Lojrat nuk mund të bëhen në kurriz të Shqipërisë”, tha Meta.
