Kreu demokrat Lulzim Basha ka reaguar lidhur me raportin e OSBE/ODIHr për votimet e 30 qershorit.
Duke iu referuar gjetjeve paraprake, Basha tha se 30 qershori nuk ishte në interesin e qytetarëve shqiptarë, votime pa zgjedhje, përjashtim i padrejtë i opozitës nga administrimi dhe monitorimi i zgjedhjeve, mos funksionim gjykatash, vendime të gabuara të KQZ-së dhe marrje e kompetencave të Gjykatës Kushtetuese dhe probleme të tjera serioze.
Basha theksoi se demokratët, opozitarët, shqiptarët e thjeshtë ia dështuan planet Edi Ramës.
“Votimet ishin të paligjshme dhe tani ky është fakt i pranuar nga të gjithë. Farsa dështoi.
PD doli më e forte dhe më e bashkuar nga 30 qershori. Opozita doli më e fortë dhe më e bashkuar nga 30 qershori.
Të gjithë së bashku si qytetarë jemi sot më të bashkuar se kurrë më pare dhe më të fortë se kurrë më parë.
Edi Rama doli më i vetmuar dhe më i dobët nga 30 qershori”, tha Basha.
