Veshja e kryeministrit Rama gajtë procesit të votimit ditën e djeshme nuk u ka shpëtuar as syrit të mediave ndërkombëtare. Ato e kanë komentuar në detaje, por një vëmendje të madhe ka marrë kryesisht në mediat greke.
Në Greqi, thuajse të gjitha gazetat elektronike i kanë përkushtuar vëmendje stilit të konsideruar mjaft argëtues.
Madje, gazetarët grekë kanë analizuar me detaje gjatësinë e potureve, çorapet deri tek gjuri e sidomos lidhëset e këpucëve, që sipas tyre vërtet janë një gafë stilistike për çdo besimtar të modës. Më tej thuhet se veshja e tij shkakton të qeshura e argëtim pafund.
Në disa komente gazetareske, madje, vihet në dukje dhe loja me imazhin e kryeministrit shqiptar, si një vegël për të tërhequr vëmendjen nga situata vërtet problematike e vendit.
