Alketa Vejsiu është përballur së fundmi me një koment tejet emocional, nga një ndjekëse e cila nuk shijon dot një jetë luksoze si të moderatores. Kanë qenë pikërisht fotografitë e postuara të Alketës në “Instagram”, të realizuara nga një resort i shtrenjtë në Turqi, që e kanë nxitur ndjekësen t’i lërë një koment të sinqertë.
“Na morët në qafë ne shtresën e varfër, ju që e shijoni këtë jetë. Ne as në lum nuk shkojmë dot”-ka shkruar ndjekësja. Alketa, në tentativa për të treguar anën e saj humane, i është kthyer: “Do kisha tund malet po të kisha ndonjë gjë në dorë, që të bëja të pamundurën që të mos kish të varfër në këtë vend”.
