Komisioni Qendror i Zgjedhjeve ka reaguar pas anomalive me shifart e pjesëmarrjes dhe numërimit.
Sipas shifrave që jep vete Komisioni, në shumë bashki, dalin më shumë vota sesa votues.
Në një reagim të shkurtër për mediat, institucioni përgjegjës për mbarëvajtjen e zgjedhjeve, thotë se të dhënat e publikuara dje në orën 19:00, kur u mbyll procesi ishin paraprake, pasi shumë Qendra Votimi nuk kishin sjellë të dhënat e përditësuara pranë KQZ. “Të dhënat e publikuara nuk ishin përfundimtare por paraprake. Shifra 5900 votuesë në Urën Vajgurore ishte paraprake. Shumë QV nuk kishin raportuar”, -njofton KQZ.
Votimet janë mbyllur që dje dhe historikisht KQZ ka raportuar pjesëmarrjen po ditën kur mbyllen votimet. Ndërsa këto zgjedhje, kjo nuk ka ndodhur, sipas KQZ-së.
Opozita ka akuzuar KQZ-në se po manipulon pjesëmarrjen në votime për llogari të kryeministrit Edi Rama.
