Rezart Hoxha dhe Florian Taci, i pari drejtor i OSHEE dhe tjetri i Kadastrës, janë denoncuar si dy drejtorët e Rilindjes në Gjirokastër që po ushtrojnë presion ndaj punonjësve të administratës për të marrë pjesë në votime.
Në mungesë të kandidatëve alternativë, shqetësimi kryesor për Rilindjen në votimet e 30 qershorit duket se është pjesëmarrja e qytetarëve.
Në kushte të tilla, prej disa ditësh punonjës të administratës ndodhen nën presionin e drejtorëve për të dorëzuar kartat e identitetit, apo për të marrë pjesë në votime, me qëllim rritjen e përqindjes së pjesëmarrësve.
Kryetari i PD Gjirokastër Dasho Aliko ka denoncuar presionet në Gjirokastër ndaj punonjësve buxhetorë, duke përmendur emrat e dy drejtorëve, atë të OSHEE dhe Kadastrës.
Madje, dega e PD-së në Gjirokastër ka vënë në dijeni edhe vëzhguesit ndërkombëtare lidhur me atë çfarë po ndodh.
Thirrja zyrtare e PD-së dhe aleatëve të saj është bojkoti ndaj votimeve moniste.
