Në dy ditët e fundit trupat komando të Forcave të Armatosura kanë marrë në ruajtje institucionet kryesore në vend, përfshi këtu edhe selitë diplomatike të akredituara në Tiranë.
Në bazë të një marrëveshjeje mes Ministrisë së Brendshme dhe asaj të Mbrojtjes, të gjitha selitë qeveritare ose diplomatike, që ruheshin nga punonjës të policisë së objekteve, janë marrë në ruajtjen e komandove.
Kjo për faktin se policët e objekteve janë përfshirë në procesin zgjedhor, për të ruajtur qendrat e votimit, KZAZ apo qendrat e numërimit të votave.
Fotot e mëposhtme, të realizuara nga LSA, tregojnë masat e marra në bllokun e ambasadave në Tiranë, ku trupat komando të pajisuara me armë automatike kryejnë shërbimin.
